Indicadores de qualidade microbiológica do solo e espectroscopia infravermelha na produtividade de sorgo sob diferentes sistemas de manejo no Cerrado brasileiro
- Betiolo Troleis, Maria Júlia
- Eva Vidal-Vázquez Director
- Rafael Montanari Co-director
Universidade de defensa: Universidade da Coruña
Fecha de defensa: 13 de xaneiro de 2023
- Zigomar Menezes de Souza Presidente/a
- Antonio Paz González Secretario
- Gabriela Civeira Vogal
Tipo: Tese
Resumo
Na actualidade, debido ao manexo inadecuado dos solos brasileiros e á procura de altos rendementos, son necesarias alternativas de manexo que aporten melloras nas propiedades do solo. O obxectivo deste traballo foi avaliar a calidade do solo a través das propiedades físicas, químicas e biolóxicas dun LATOSSOLO VERMELHO Distrófico con textura arxilosa, ademais dos parámetros fitotécnicos do sorgo de inverno en diferentes sistemas de manexo. O experimento realizouse na Facenda de Ensino, Pesquisa e Extensão da UNESP, Campus Ilha Solteira, SP, Brasil. O deseño experimental realizouse en bloques aleatorios con 7 tratamentos e 4 repeticións. Os tratamentos foron os seguintes: arado de vertedeira, cultivo mínimo, grade pesada, plantío directo consolidado, plantío directo implantado sobre arado de vertedeira, plantío directo implantado sobre cultivo mínimo e plantío directo implantado sobre grade pesada. Recolléronse mostras de solo para determinar a súa calidade química e física; ademais, apañáronse plantas de sorgo para avaliar parámetros fitotécnicos. Non se atoparon diferenzas estatisticamente significativas para as propiedades químicas avaliadas. O tratamento de cultivo mínimo demostrou ser o mellor sistema de manexo se se ten en conta a resistencia á penetración en profundidade. Os sistemas de manexo influíron nas propiedades biolóxicas avaliadas: o plantío directo presentou o mellor valor de carbono da biomasa microbiana; porén, o sistema de manexo da grade pesada presentou un alto valor de cociente metabólico, baixa eficiencia e o menor valor do cociente microbiano. Os parámetros fitotécnicos avaliados non presentaron diferenzas significativas para os sistemas de manexo estudados.