La financiarización de la vida cotidiana en los hogares españolesprocesos de resistencia y reapropiación subjetiva

Resumo

A presente tese de doutoramento ten por obxecto analizar o proceso de financiarización da vida cotiá dos fogares españois. Este propósito sitúase no nivel micro da financiarización, un fenómeno que recolle como a lóxica financeira, a través do discurso neoliberal da responsabilidade individual (Dardot e Laval, 2015) e da contracción do Estado de Benestar, se incrusta no tecido social. Esta tese de doutoramento operacionaliza o termo teórico e examínao de maneira bidimensional, abordando a súa dimensión manifesta -comportamento socioeconómico- e a súa dimensión latente -subxectividades financiarizadas-. Para iso, desprégase unha estratexia metodolóxica multimétodo que combina o uso de técnicas estatísticas multivariantes e entrevistas en profundidade semi-estruturadas. Os achados mostran unha disociación entre as accións financiarizadas individuais e a adopción das subxectividades concomitantes. Con todo, obsérvase que a financiarización consegue prosperar e “domesticarse” ( Pellandini- Simanyi et al., 2015) nas vidas íntimas. Isto sucede na medida en que os mecanismos reguladores e disciplinarios neoliberais (Foucault, 2009), tales como a redución do gasto social, ou a inseguridade económica percibida, coaptan as lóxicas morais e se entretecen a elas.