Nonparametric estimation of the probability of default in credit risk

Resumo

Ás entidades financeiras interesalles coñecer a probabilidade de que os seus clientes declárense incapaces de facer fronte ás débedas contraídas coa concesión dun crédito. O obxectivo deste traballo é propoñer modelos para estimar esta probabilidade, denominada probabilidade de morosidade (PD), utilizando a información proporcionada pola puntuación crediticia. A PD condicionada á puntuación crediticia pode escribirse como unha transformación da función de supervivencia condicional da variable “tempo ata a morosidade”. Esta propiedade utilízase para propoñer novos estimadores da PD, baseados en estimadores non paramétricos da función de supervivencia. O tempo ata a falta de pagamento enfróntase a un problema de censura pola dereita, pois no estudo dun conxunto de créditos, non é posible observar a falta de pagamento para todos eles. Consecuentemente, utilízanse técnicas de datos censurados e análise de supervivencia. Ante a posible existencia de individuos non susceptibles á morosidade, os modelos de curación de tipo mestura tamén se discuten neste traballo. Obtense a expresión asintótica para o erro cuadrático medio e a normalidade asintótica dos estimadores propostos. Propóñense selectores automáticos bootstrap para os parámetros de suavizado dos que dependen os estimadores. O comportamiento das técnicas propostas analízase e compárase con enfoques semiparamétricos existentes mediante estudos de simulación e ilústrase mediante a análise de datos de préstamos bancarios.