Soluciones a las emisiones de gases contaminantes en motores diésel marinos

Resumo

A presente tese doutoral céntrase na redución de emisións contaminantes en motores diésel mariños. Respecto a combustibles alternativos con vistas a unha descarbonización do sector marítimo, proponse o emprego de amoníaco como combustible libre de carbono e por tanto libre de emisións de CO2. Respecto a outras emisións non desexables, esta tese doutoral céntrase nas emisións de NOx, aínda que tamén se analizan outras emisións contaminantes así coma a repercusión no consumo. As medidas de redución de NOx propostas consisten, en primeiro lugar, na modificación do patrón de inxección de combustible e, en segundo lugar, na inxección de amoníaco xa que o amoníaco pode ser empregado tanto como combustible como axente reductor de NOx. Respecto a metodoloxía, utilizáronse técnicas de dinámica de fluídos computacional (CFD) para modelar os motores e as súas emisións, técnicas de decisión multicriterio (MCDM) para determinar o patrón de inxección óptimo e técnicas de redes neuronais artificiais (ANN) para analizar un elevado número de casos máis rápidamente que empregando CFD.