Diseño e implementación de propuestas de prescripción de deberes escolares que mejoren el compromiso y la autorregulación del estudiante

Resumo

Atendendo á controversia aínda existente respecto da cantidade, calidade e eficacia dos deberes escolares e tras un extenso labor de revisión das evidencias dispoñibles en relación á prescrición de deberes de calidade deséñase o Método de Implementación de Tarefas para Casa MITCA (Valle e Rodríguez, 2020). Co obxecto de avaliar a eficacia deste método, esta tese expón unha investigación cun deseño cuasi-experimental, con grupo control e medidas pre e post. A eficacia do método de prescrición de deberes estímase contando coa participación dun total de 43 profesores/ as e 964 estudantes de 5º e 6º de Educación Primaria pertencentes a 20 centros educativos diferentes da Comunidade Autónoma de Galicia. Os resultados constatan diferenzas entre os estudantes que participaron na implementación de MITCA e os alumnos do grupo control, non só polo que respecta á súa implicación nos deberes, senón en relación ao seu compromiso escolar e autorregulación da aprendizaxe. A discusión e as conclusións lanzan luz sobre o obxecto de estudo e permítennos soster a eficacia do método MITCA como recurso educativo. Este traballo encamiña futuras liñas de investigación no tópico dos deberes escolares; sendo as súas implicacións educativas inmediatas para a prescrición de deberes de calidade.