A optimización da coordinación de prácticas externas a través dunha APP

Resumen

A evolución do ensino superior cara a unha apendizaxe baseada en competencias implicou unha importante transformación dos contidos, enfoques, e interaccións educativas. O peso dos criterios de empregabilidade na definición destas competencias tense proxectado nunha maior atención ás prácticas externas nas titulacións. A diversidade de perfís profesionais e a cohabitación de prácticas curriculares e extracurriculares dota de grande complexidade á coordinación de prácticas. Coordinadores e titores teñen que dedicar unha parte importante do seu tempo á organización e xestión de todo o proceso en detrimento dun apoio e seguemento de calidade de estudantes e titores da empresa durante a estadía de prácticas. Nesta liña o obxecto deste texto é o de efectuar unha aproximación ás potencialiades do emprego dunha aplicación de xestión de proxectos na Coordinación de Prácticas. A partir da experiencia do Grao de Comunicación Audiovisual da Universidade da Coruña, afóndase nas melloras do uso desta APP – Asana- para todo o proceso.