Information retrieval models for recommender systems

Resumo

A recuperación de información dá resposta ás necesidades de información dos usuarios proporcionando información relevante, pero require que os usuarios expresen explicitamente as súas necesidades de información. Pola contra, os sistemas de recomendación ofrecen suxestións personalizadas de elementos automaticamente. En última instancia, ambos os campos axudan aos usuarios a lidar coa sobrecarga de información ao proporcionarlles información relevante. Esta tese ten como propósito explorar as conexións entre a recuperación de información e os sistemas de recomendación. O naso obxectivo é deseñar modelos de recomendación inspirados en técnicas de recuperación de información. Comezamos tomando prestadas ideas da literatura de avaliación en recuperación de información para analizar as métricas de avaliación nos sistemas de recomendación. En segundo lugar, estudamos a aplicabilidade dos modelos de retroalimentación de seudo-relevancia a diferentes tarefas de recomendación. Investigamos a tarefa de recomendar listas ordenadas de elementos, pero tamén exploramos o problema recentemente formulado de formación de grupos de usuario-elemento e propoñemos unha tarefa nova baseada na liquidación dos elementos da longa cola. Terceiro, explotamos modelos de recuperación ad hoc para calcular veciñanzas nun escenario de filtrado colaborativo. En cuarto lugar, exploramos a dirección aposta adaptando un método eficaz de recomendación á retroalimentación de seudo-relevancia. Finalmente, discutimos os resultados e presentamos as nasas conclusións. En resumo, esta tese doutoral adapta varios modelos de recuperación de información para o seu uso como sistemas de recomendación. A nosa investigación mostra que moitos modelos de recuperación de información pódense aplicar para tratar diferentes tarefas de recomendación. Ademais, comprobamos que tomar o camiño contrario tamén é posible. Unha experimentación exhaustiva confirma que os modelos propostos son competitivos. Finalmente, tamén realizamos unha análise teórica dalgúns modelos para explicar a súa efectividade.