Aviso legal
DATOS IDENTIFICATIVOS
UNIVERSIDADE DA CORUÑA
CIF Q-6550005-J
Rúa da Maestranza 9, 15001 A Coruña
Pode contactar connosco a través do correo electrónico
portalinvestigacion.biblioteca@udc.gal
FINS DO PORTAL
O Portal da Investigación da Universidade da Coruña, administrado pola Biblioteca Universitaria, reúne a produción científica da institución co obxectivo de mellorar a visibilidade e a transparencia da actividade investigadora e de ofrecer ferramentas para a súa análise. Facilita a exploración da estrutura universitaria, a localización de persoas expertas en diversas disciplinas, o acceso ás súas publicacións e a consulta de indicadores bibliométricos a nivel individual, colectivo e institucional.
Ao accederes ao Portal da Investigación da Universidade da Coruña, aceptas as condicións de uso que se recollen a seguir.
ACCESO
O acceso aos contidos desta web farase de acordo coa política que estableza a entidade.
A Universidade da Coruña (UDC) poderá modificar, en calquera momento e sen aviso previo, a información incluída no sitio, amais de desactivar e/ou cancelar calquera dos contidos e servizos que o integran. Así mesmo, resérvase o dereito a actualizar estas condicións de uso.
O acceso ao sitio web é gratuíto. A persoa usuaria comprométese a facer un uso axeitado, conforme a lei, dos contidos e servizos ofertados. Se unha persoa usuaria incumpre as advertencias legais e condicións de uso que aquí se especifican, a UDC resérvase o dereito a bloquear o seu acceso e a emprender as accións legais oportunas en defensa dos seus dereitos.
O acceso ao sitio web e o seu uso implican que a persoa usuaria acepta na súa totalidade e se obriga a cumprir por completo os termos e condicións detallados neste aviso legal.
Como usuaria, calquera persoa que acceda a este sitio debe cumprir as seguintes obrigas:
- Usar o Portal da Investigación da Universidade da Coruña de maneira dilixente e correcta, asumindo tamén calquera responsabilidade que se puidese derivar dun mal uso. Por iso, non se poderá empregar o Portal da Investigación da Universidade da Coruña para realizar actividades contrarias á lei, a moral, os bos costumes aceptados ou a orde pública establecida e con fins ou efectos ilícitos, prohibidos ou lesivos de dereitos e intereses de terceiras partes.
- A información que se introduza para os efectos de identificación deberá ser veraz e estar actualizada. É responsabilidade exclusiva da persoa usuaria cumprir esta obriga. Tamén é responsabilidade exclusiva da persoa usuaria a información que introduza para identificarse.
- Queda prohibido acosar, insultar, menosprezar ou fustrigar dalgún modo a calquera outra terceira persoa, alén de recoller ou almacenar información persoal doutras persoas usuarias do Portal da Investigación da Universidade da Coruña sen cumprir a lexislación vixente en materia de protección de datos.
- Queda prohibida a venda dos contidos do Portal da Investigación da Universidade da Coruña, así como calquera uso contrario a estas condicións e políticas de uso.
NAVEGACIÓN COMO PERSOA USUARIA
Para acceder a algúns servizos determinados cómpre identificarse de maneira previa como persoa usuaria no Portal da Investigación da Universidade da Coruña.
A identificación farase a través do servizo de identidade de RedIRIS (SIR), onde se deberá seleccionar a institución a que se pertence e identificarse coa conta de usuario/a institucional.
A primeira vez que se acceda como persoa usuaria rexistrada ao Portal da Investigación da Universidade da Coruña debe aceptarse explicitamente a declaración de protección de datos persoais.
PROPIEDADE INTELECTUAL
A UDC é a propietaria e/a licenciataria de toda a información contida neste portal, o seu deseño gráfico, imaxes, bases de datos, índices, códigos fonte, marcas e logotipos, que están protexidos conforme o disposto na Lei de propiedade intelectual e na Lei de marcas. A súa posta á disposición e uso do público non supón, en ningún caso, a cesión da súa titularidade ou a concesión dun dereito de uso a favor da persoa usuaria.
Calquera reprodución, copia, distribución total ou parcial ou comercialización requirirá a autorización previa e por escrito da UDC. A entidade resérvase, en caso de uso indebido do sitio web, o dereito a exercitar cantas accións legais foren precisas para a restitución dos danos e as perdas causados. De igual maneira, a persoa usuaria obrígase a indemnizar a entidade por calquera dano ou perda que puidese ocasionar con motivo do uso desta web, ao infrinxir estas condicións xerais e/ou a legalidade vixente.
LIGAZÓNS E BÁNERES
A inclusión nesta páxina web de ligazóns internas ou con outros portais xestionados por terceiras partes ten unha finalidade meramente informativa e non supón que a UDC recomende e/ou garanta tales portais, sobre os cales non exerce ningún control e de cuxo contido non é responsable.
Se calquera persoa usuaria, entidade ou sitio web desexase establecer algún tipo de ligazón con destino ao Portal da Investigación da Universidade da Coruña, poderá dirixila á páxina principal ou calquera outra. A UDC non ten facultade para coñecer, controlar nin aprobar toda a información e todos os contidos, produtos ou servizos facilitados por outros sitios web que establezan ligazóns con destino a este sitio. En consecuencia, a UDC non pode asumir ningún tipo de responsabilidade por calquera aspecto relativo á páxina web desde a que se estableza unha ligazón a este portal.
PROTECCIÓN DE DATOS
En virtude do artigo 13 do Regulamento (UE) 2016/679 do Parlamento Europeo e do Consello, do 27 de abril, relativo á protección das persoas físicas no que respecta ao tratamento de datos persoais e a libre circulación destes datos (RXPD), e do artigo 11 da Lei orgánica 3/2018, do 5 de decembro, de protección de datos persoais e garantía dos dereitos dixitais (LOPD), informámoste de que os datos persoais recollidos serán tratados baixo a responsabilidade da Universidade da Coruña (UDC), cuxos datos de contacto son os seguintes: rúa da Maestranza 9, 15001 A Coruña, teléfono 981 167 000, correo electrónico secretaria.xeral@udc.gal.
Os datos facilitados á UDC pola persoa interesada serán tratados coa finalidade específica para a que foron solicitados. O devandito tratamento lexitímase nalgunha das bases previstas no artigo 6 do RXPD. Todas as persoas que entren en contacto con estes datos coa citada finalidade cumprirán co deber de confidencialidade establecido no artigo 5 da LOPD.
Os datos serán tratados durante o tempo imprescindible para cumprir coa citada finalidade e conservaranse de acordo cos prazos e criterios establecidos para cada caso concreto de acordo coa lexislación vixente. Os datos non se transmitirán a terceiras partes salvo que exista o consentimento previo da persoa interesada ou base legal para tal transmisión.
En calquera caso, a persoa interesada terá dereito a solicitar á responsable do tratamento, en calquera momento, o acceso, a rectificación ou a supresión dos seus datos persoais e a limitación do tratamento. Tamén terá dereito a opoñerse ao citado tratamento, así como a solicitar, salvo nos casos de interese público e/ou exercicio do poder público, a portabilidade dos seus datos. De igual xeito, terá dereito a non ser obxecto de decisións individuais automatizadas, incluída a elaboración de perfís.
Tales dereitos poderán ser exercitados de calquera das seguintes formas:
- Destacadamente, a través do formulario para o exercicio dos dereitos en materia de protección de datos de carácter persoal que pode cubrir nesta mesma sede electrónica, no apartado Outros trámites.
- Mediante solicitude dirixida á responsable do tratamento (UDC, Secretaría Xeral), enviada ao seguinte enderezo: Secretaría Xeral, Reitoría da Universidade da Coruña, rúa da Maestranza 9, 15001 A Coruña; ou ao correo electrónico rpd@udc.gal. Esta solicitude tamén poderá presentarse a través do rexistro electrónico desta sede ou nos rexistros presenciais da UDC.
- Mediante solicitude dirixida á persoa que sexa a delegada de Protección de Datos da UDC, enviada ao mesmo enderezo postal indicado anteriormente; ou ao correo electrónico dpd@udc.gal. Esta solicitude tamén poderá presentarse a través do rexistro electrónico desta sede ou nos rexistros presenciais da UDC.
Igualmente, as persoas interesadas terán dereito a presentar unha reclamación ante a Axencia Española de Protección de Datos (AEPD).
XURISDICIÓN
Calquera litixio e controversia que xurda entre a UDC e unha persoa usuaria sobre a interpretación ou aplicación destas condicións, ou, en xeral, sobre a utilización dos servizos deste sitio web, regularase de conformidade coa lexislación española.