New Algorithms and Methodologies for Building Information Retrieval Collections

Resumo

Os sistemas de recuperación de información desempeñan un papel crucial á hora de satisfacer as necesidades de información dos usuarios, axudándolles a explorar vastas coleccións de información. Esta tese enmárcase nun aspecto crítico da investigación en recuperación de información: a avaliación. En concreto, propoñemos novos enfoques para crear coleccións de proba. Estas son esenciais para avaliar a eficacia dos sistemas de recuperación en experimentos controlados. Reflectir con precisión as condicións do mundo real nestas coleccións é fundamental para avanzar neste campo. O noso obxectivo é introducir técnicas innovadoras para construír coleccións anotadas que sexan fiables, e facilitar así a investigación e o desenvolvemento no campo da recuperación de información. En primeiro lugar, a tese propón un novo método para crear novas coleccións de proba sen necesidade de custosas campañas de avaliación, simplificando e economizando o proceso. A continuación, presentamos un novo método de adxudicación para determinar que documentos merecen un xuízo humano, co obxectivo de reducir o numero de xuízos expertos necesarios. Este método é rentable e eficiente. Ademais, a tese presenta unha nova perspectiva da avaliación dos métodos de adxudicación, facendo fincapé na significancia estatística, un aspecto que a miúdo se pasa por alto en anteriores investigacións sobre adxudicación de documentos. Finalmente, aplicamos os métodos explorados nesta tese para consruir unha nova colección de proba, cuxo proceso de construción describimos, para demostrar a utilidade das nosas propostas. En resumo, esta tese integra coñecemento establecido no campo con novas metodoloxías para así crear novas coleccións de proba fiables e con baixo custo. Esta combinación é crucial para avanzar no desenvolvemento de sistemas de recuperación de información máis efectivos.