Relación de la hidrodinámica marina con el movimiento de buque atracado y su afección en la operatividad portuaria

Resumen

As incidencias nos portos provocan perdas económicas e reducións na seguridade. Os movementos horizontais dos buques atracados están asociados a estes problemas, e as ondas infragravitatorias poden amplificalos ao atoparse no mesmo rango de períodos (25-150 s). Esta tese doutoral ten como obxectivo optimizar as operacións portuarias priorizando a seguridade, enfocándose na resonancia porto-buque. A investigación levouse a cabo en dous portos da Coruña, España, utilizando datos de campo, modelos numéricos e machine learning. Concluíuse que os períodos de oscilación dos movementos dos buques están directamente relacionados co cociente entre a profundidade da auga e o calado do barco, ademais de variar coa pretensión dos amarres e ventos intensos. Propuxéronse limiares operativos baseados en datos climáticos (onda longa e onda curta) que permitirán optimizar as estancias. A tese culminou co desenvolvemento dunha ferramenta práctica que predí o risco de incidencias, o que axudará na toma de decisións. Os achados expostos teñen alta aplicabilidade e potencial para a súa transferencia a instalacións similares para unha adecuada avaliación de riscos.