Refrigeración de gases de exhaustación en turbinas de gas marinas

Resumo

O propósito desta Tese de Doutoramento é estudar a viabilidade de inxectar auga nebulizada nos condutos de escape das turbinas de gas mariñas, co fin de reducir a temperatura dos gases de escape e, polo tanto, a súa contribución á sinatura infravermella do buque. Dada a dificultade de realizar probas experimentais en buques, escolleuse o uso de técnicas de Dinámica dos Fluídos Computacional (CFD) para predicir o comportamento do proceso de interacción da auga nebulizada e os gases de escape dentro dos condutos de escape das turbinas. Neste sentido, as técnicas CFD permitirán a planificación e resolución de modelos físico-matemáticos para atopar solucións aproximadas ás ecuacións que rexen o fenómeno de interacción de fases.