Disparidades económicas e territoriais e investimento estranxeiro en Latinoamérica

Abstract

Nos últimos anos aumentou o interese pola análise das disparidades económicas territoriais latinoamericanas así como polo estudo dos investimentos estranxeiros. Ambos os temas suscitaron e concentraron a atención dos economistas porque das súas reflexións pódense inferir estratexias de futuro; servindo, así mesmo, o seu estudo de fundamento para explicar as realidades do presente. A análise dos temas enunciados supón proclamar a existencia de patróns demográficos e de asentamentos da poboación de carácter moi singular e como se visualizan as actuais distribucións espaciais. Tales dinámicas explican, xa sexa desde os modelos neoclásicos, xa sexa estruturalistas, expectativas de futuro, achegando cada un deles distintas inquietudes respecto ao papel desempeñado polos factores económicos (Bielschowsky, 2009)