Expresión corporal, adaptacións curriculares e operacións financeirasaproveitando sinerxias entre GIDs da UDC

Resumo

A proposta xorde despois dunha reflexión conxunta entre os compoñentes dos dous GIDs da UDC en “Operacións Financeiras, Economía Enerxética e Economía Circular” e “Didáctica da Expresión Corporal e Motricidade (GIEDEM)”, sobre a implantación de metodoloxías activas no proceso de ensinanza-aprendizaxe. A idea reside na posta en contacto do alumnado das materias “Expresión corporal e adaptacións curriculares” do Grado en Educación Primaria e de “Análise das Operacións Financeiras” do Grao en Administración e Dirección de Empresas.A finalidade non é outra que beneficiarse mutuamente do traballo en común das competencias desenvolvidas en cada unha das materias sinaladas. Deste xeito se consegue que o alumnado se especialice na súa materia a partir do achegamento aos conceptos e do traballo das competencias a partir da creación de materiais. Cada alumnx se converte en “expertx” que asesora aos da outra materia no tema específico. A avaliación das actividades terá lugar por rúbricas, definidas a partir do deseño conxunto polos membros dos dous GID ́s implicados.