O estudio do caso como metodoloxía activa no Mestrado en Eficiencia e Aproveitamento Enerxéticos

Resumen

Dentro do Mestrado en Eficiencia e Aproveitamento Enerxético da UDC que se desenvolve en Ferrol, impártese a materia de “Política Enerxética e Análise de Investimentos”. A detección por parte do profesorado da existencia de realidades académicas previas moi diversas entre o alumnado, permitiuconverter este elemento nun eixo dinamizador do proceso de ensinanza-aprendizaxe. Para vehicular esta realidade óptase por empregar a metodoloxía activa do estudo do caso. Planifícase a materia para que cada sesión de aula teña un estudo do caso a partir do cal desenvolver os diferentes contidos da mesma. O caso é proposto por un/ha experto/a diferente das distintas empresas do sector, que teñen relación co Mestrado a partir das prácticas. O contexto de ensinanza-aprendizaxe gaña en motivación. O profesorado pasa a ser punto de información ao que acudir, deixando de ser o punto de atención principal. Como contrapartida para o profesorado os tempos de preparación da materia son elevados. Esforzo que se ve recompensado con creces ao ver os resultados: unha experiencia formativa moi enriquecedora con base na relación alumnado-alumnado, quen grazas á súa formación previa, ven potenciada a asimilación de conceptos e a adquisición das competencias propias da materia.