Uso das rúbricas de avaliación, a avaliación entre pares e a autoavaliación para mellorar as competencias do alumno

Resumen

Na materia Sistemas de Abastecemento e Saneamento do Mestrado Internacional de Enxeñaría da Auga trabállanse as competencias transversais comunicativas, de consulta e selección de información e de avaliación crítica. Os alumnos realizan tarefas que consisten na revisión de referencias, a selección e organización de información e a presentación oral ou nun póster dun tema incluído nos contidos materia. Durante a presentación oral na clase, os alumnos dispoñerán dunha rúbrica na que deberán avaliar as presentacións dos seus compañeiros (avaliación entre pares) e despois a súa. Por último, a profesora avalía tamén a presentación. A nota final calcúlase a partir dos tres tipos de avaliacións e penalizarase aos estudantes que non realicen as avaliacións con rigor. Nestas actividades é fundamental que os criterios de avaliación sexan adecuados e que os alumnos os coñezan dende o inicio da actividade para dirixir o seu traballo. A avaliación entre pares fomenta que o alumno faga un esforzo para transmitir o mensaxe aos seus compañeiros. Por outra banda, obrígase indirectamente a prestar atención ao traballo dos compañeiros e, por tanto, apréndese dos contidos da materia. Na autoavaliación o alumno xulga os seu aprendizaxe e as súas fortalezas e debilidades na comunicación.