Desenvolvemento de competencias en estudantes implicados e non implicados nunha experiencia aprendizaxe-servizo

Resumo

Neste traballo empregáronse dúas metodoloxías; o aprendizaxe baseado en proxectos (ABP) e o aprendizaxe-servizo (ApS) para abordar as competencias transversais da materia Fundamentos de Física de primeiro curso do Grao en Enxeñería de Deseño Industrial e Desenvolvemento do Produto. O obxectivo do traballo era valorar o impacto que tiña nos estudantes a participación nun ou noutro proxecto e avaliar as distintas competencias acadadas en función da metodoloxía docente empregada. Nas dúas metodoloxías o estudante é protagonista da súa propia aprendizaxe, favorecese a aprendizaxe cooperativa e colaborativa e, ademais, a avaliación de competencias resulta máis sinxela para o docente, pois pode seguir ao estudante durante todo o proceso. O ApS aporta un valor engadido xa que se realiza ademais un servizo á comunidade contribuíndo así a formar os estudantes tamén en valores. A pesar de que todos acadaron as competencias académicas esperadas e outras coma mellora da autoconfianza ou capacidade para a toma de decisións, aqueles que estaban implicados na actividade ApS presentaron outras máis persoais coma empatía, aprender dos que son diferentes ou recoñecemento do seu potencial coma cidadáns e axentes do cambio social. Distintos proxectos ApS deron lugar tamén a distintas competencias.