Empleo de la química computacional en el estudio del comportamiento de receptores sintéticos y biológicos frente a moléculas biológicamente activas

Resumo

A química computacional, que utiliza conceptos e modelos teóricos provintes da física clásica e da mecánica cuántica incorporados a un software de cálculo, é un dos campos que máis evolucionou nas últimas décadas. A rápida evolución dos hardware e dos software, así como a multitude de aplicacións que presenta a química computacional, fixeron que, hoxe en día, sexa un recurso indispensable en áreas tan diversas como o descubrimento de fármacos ou o deseño de materiais. Esta tese doutoral baséase no estudo de receptores, tanto sintéticos como biolóxicos, mediante técnicas de computación de alto rendemento. Desta forma, realízase tanto o deseño como a posterior análise do comportamento de polímeros de impresión molecular (MIPs), que se empregan como material adsorbente selectivo cara determinadas moléculas de interese polas súas características bioactivas. Do mesmo xeito, realízase o estudo do comportamento de diversos enzimas presentes no corpo humano como proteínas diana fronte a moléculas e péptidos, o que nos permite predicir computacionalmente a bioactividade destes ligandos.