O fator da territorialidade nos processos de construçom identitária e culturalrelaçons e conflitos entre os galeguistas do interior e os enclaves americanos no Primeiro Congreso da Emigración Galega (1956)

Resumen

Tendo em conta a importância dos enclaves americanos no processo de autonomizaçom do sistema cultural galego durante o franquismo, o objetivo deste artigo é contrapor as diferentes ideias e planteamentos manejados e impulsionados desde as comunidades galegas assentadas na América e desde a Galiza. Para isto serám tidos em consideraçom os relatórios apresentados no Primeiro Congreso da Emigración Galega (1956) polos grupos ativos em ambas as beiras do Atlântico e, de forma específica, serám focadas as distintas concepçons sobre cultura, emigraçom, língua ou repertórios por eles manifestados, junto com as propostas e os projetos formulados para o sistema. As divergências observáveis neste sentido refletem as próprias diferenças detetáveis no plano pol1tico e serám lidas à luz dos conflitos pola legitimidade na atuaçom do galeguismo de após-guerra. Por último, será avaliada a potência destas divergências em termos sistémicos, assim como os modos e formas de atuaçom dos diferentes grupos, principalmente o criado à volta da editorial Galaxia.