Assessing and optimising the sustainability objective of electricity generation systems, and energy systems of special interest to Galicia

Resumen

Nos últimos anos, unha cantidade considerable de autores levaron a cabo estudos que abordan a avaliación da sustentabilidade de centrais eléctricas tanto renovables coma non renovables. A pesar diso, seguen existindo unha serie de limitacións de tipo metodolóxico e de alcance que impiden ás empresas, tanto públicas coma privadas, ás autoridades responsables da planificación enerxética, así coma ao público xeral, comprender de forma clara e precisa cales son os verdadeiros impactos económicos, sociais e medioambientais derivados da produción de enerxía eléctrica, ao longo do seu ciclo de vida. Por outra banda, é preciso ir máis alá da mera avaliación, buscando a optimización, no sentido de maximizar a contribución ao desenvolvemento sustentable de sistemas complexos, entre eles os enerxéticos. Con todo, a optimización da sustentabilidade atópase nunha fase inicial, recibindo, ata o momento, moita menos atención que a avaliación. Este traballo pretende cubrir as lagoas existentes en materia de avaliación da sustentabilidade de centrais eléctricas. Ademais, aborda a optimización da sustentabilidade dun intercambiador de calor de carcasa e tubos, como primeiro paso á optimización da sustentabilidade de sistemas enerxéticos mais complexos.