Seguridad y percepción de riesgo en la formación de imagen turísticaBrasil a través de los agentes autónomos formadores de imagen ante los Juegos Olímpicos

Resumo

Os problemas de seguridade en Brasil non son unha novidade, pero hoxe en día co aumento constante de situacións de conflito que estase a padecer no mundo enteiro faise necesario realizar unha análise máis detallada de variables coma a percepción da seguridade e risco e súa influencia sobre a imaxe dos destinos turísticos. A prensa chega ao maior número de persoas no proceso de toma de decisións de consumo, a pesares do feito de que ten menos credibilidade ca prensa turística especializada. Con todo, o turismo é un sector transversal e as noticias relacionadas co turismo son susceptibles de aparecer en calquera das seccións dos medios. A procura de información é unha etapa clave na elección de destino turístico. Ademais as recomendacións oficiais de viaxes feitas en orixe son moi creíbles para os turistas. O propósito desta investigación é analizar o tratamento da seguridade e do risco na información procedente dos axentes autónomos que conforman a imaxe dun destino. Os medios de comunicación poden aumentar ou paliar as imaxes estereotipadas asociadas ao Brasil, mesmo durante eventos como os Xogos Olímpicos. Esta investigación ten como obxectivo analizar a información sobre Brasil nos medios e nas recomendacións oficiais de viaxes a través dun análise de contidos das edicións dixitais dos principais xornais españois.