Estándar técnico universal para el diseño y la fabricación de cunas de uso doméstico

Resumo

O deseño e a fabricación industrial de berces destinados tanto á importación como á exportación vese dificultado pola existencia de múltiples lexislacións nacionais e dunha ampla normativa en materia de seguridade e saúde, cuxo obxectivo é establecer os requisitos e especificacións que han de cumprir estes produtos para poder ser comercializados en cada país. Resulta evidente que esta multiplicidade de leis, regulacións e normas dificulta enormemente que un único modelo de berce poida ser comercializado, sen modificacións, simultaneamente en distintos países. Tras un exhaustivo estudo da lexislación e normativa aplicables, o presente traballo desenvolve un estándar técnico universal para o deseño e fabricación de berces de uso doméstico. Mediante a súa aplicación garántese o cumprimento de todos os requisitos de seguridade e saúde recollidos na lexislación e normativa dos países e/ou áreas xeográficas máis esixentes na materia (Unión Europea, USA, Canadá, Australia, Nova Zelandia, China, Xapón, Brasil, Hong Kong, Corea do Sur e Taiwán). Este estándar permite: - Aos deseñadores e fabricantes de berces de uso doméstico dispoñer dunha única guía de manufactura. - Aos laboratorios de ensaio especializados dispoñer dun único procedemento de análise homoxeinizado.